無線J2台o既《安樂蝸》,唔係一個質素差o既節目,但肯定係最虛偽o既節目 。
大家响《安樂蝸》裏面會見到好多二三百呎單位o既室內設計,但節目中無揭示過任何細單位o既居住質素問題之餘,仲要講到每個細單位都可以好潮、好型格、好有私人空間,雖然無主持直接叫你買,但節目o既潛台詞就係同你講劏房盤o既大細係無問題,不斷為發展商、地產商向年青人灌輸無錢都要求其用三四百萬上咗車先算o既思維。
「蝸」呢個字剩係聽到都唔多安樂,仲點「安樂蝸」,我地係人,唔係蟲,點解要用蟲字邊,點解要住咁細o既地方 ,每次聽到《安樂蝸》三個字都覺得難聽過粗口。
好多人全家三代都未住過大過五百呎o既樓,覺得呢個節目好正常,响香港住就係咁撚樣架啦。電影《十年》裏面智叔同大家講「千祈唔好慣曬」,正正就係幾代人o既問題,大家住慣五百呎,就開始諗四百呎係咪都無問題,當有家庭連三百呎樓都住得慣,發展商就會賣二百呎房試大家o既底線,十年之後,可能有啲新盤係要業主直接瞓棺材,而最恐佈係真係會有人買。
地少人多唔係香港房屋o既最大問題,土地利用先係最大問題,善忘o既香港人請再回憶返新界東北發展計劃,香港唔係大,但肯定唔一定要咁撚樣。
TVB作為主流媒體竟把畸形現像合理化,《安樂蝸》呢個節目就等如有人同你講畀人強姦係唔緊要,被姦係可以好享受o既。所以大家下次畀強姦犯捉入後巷,佢可能會同你講唔洗緊張,呢隻係《舒服姦》,因為佢知道,你係比畀人屌屌吓就會慣o既香港人。