提供白色及黑色設計的簡約手機The Light Phone,現時已接受一般用家預訂。
The Light Phone尺寸只如一張信用卡,厚度亦只有約4mm,可輕易收納在卡片套內。
如果大家對於一部手機的要求只是收發電話及儲存幾個電話號碼,而唔會打文字訊息、影相、聽歌、玩FB又或者覆WhatsApp,這部好似信用卡大小的The Light Phone應幾適合大家,尤其是極度鍾意簡約設計的朋友。可能大家曾經都睇過這部The Light Phone的報道,查實它在2015年已放上Kickstarter集資,最後於今年1月開始派貨給各位Backers,而近期廠方都接受一般買家的預訂,預計在5月底正式推出市場。不過大家又唔使咁快開心住,第一每部The Light Phone手機價錢達到150美元(折約$1,167),售價並唔平,足夠買得起兩部新Nokia 3310;第二是手機暫時都只會在美國推出,其他地方用家暫時未買得到;最後是手機只支援2G網絡,於美國每月需付5美元服務費,有時型係需要付出代價。
資料來源:The Verge
文:布偉倫