(蘋果日報)
Lanvin上衣、外套及長褲(蘋果日報)
Nina Ricci連身裙及手套(蘋果日報)
愛自然的劉美君提醒不要過度PS,認為少許皺紋是可接受的歲月痕跡。(蘋果日報)
劉美君每朝都會做一小時運動。
劉美君愛做瑜伽,笑言能力許可的話,6、70歲都會繼續運動促進新陳代謝。
劉美君寧花錢食美食,也不會花錢做美容瘦身療程。
劉美君外形勝過同齡,甚至媲美25歲女士,全靠運動及「揀飲擇食」,謹選食品來源,不吃加工食品,「如果話我冇食過薯片就呃你啦,但我30歲後就好乖,覺得細個乜都食過。」如常食炸雞翼、豬扒,但一定要食得平均,「食肉仲多過男仔,但會食好多蔬果、乳酪,飲好多水,都會飲咖啡,每日一杯。」
劉美君從婆婆身上學習,早睡早起比進補更重要,「憑我身邊好多朋友,睇佢哋,我做瑜伽,佢又做瑜伽,我咁食嘢佢咁食嘢,但分別係佢2、3點先瞓,11、12點先起身,但我唔係,我好regular,我9點幾就攰,返入房,最遲10點鐘就瞓,5、6點起身,過往20年都係咁。」起床先飲兩大杯水,隔一回再飲咖啡,食一個蘋果,「抖半個鐘就開始做一個鐘運動,8、9點就食早餐,一大兜麥皮或者乳酪。」準時12時吃午餐,晚餐時間不超過7時,「會應酬好close嘅朋友,但7點後見面的話,我就只會坐喺度,因為我9、10點瞓,唔鍾意飽住瞓,所以我冇肚腩。」
劉美君超愛運動,認為不運動會影響血液流動及新陳代謝,「我到6、70歲,仲有咁嘅能力keep住,我都會做,因為我唔會鍾意沖完涼行出嚟望到塊鏡,啲手喺度dum吓dum吓,啲面又... 係我唔得囉,我貪靚,但又唔係鍾意電吓塊面,同我啲女仔朋友分別係我鍾意啲錢放去食,買最靚嘅牛扒,然後去運動,佢就成日都唔食,要減肥,然後拎錢去電吓呢度,整吓嗰度。」