劉佩玥(Moon)今日去銅鑼灣為護膚品牌出席街頭活動,天文台發出酷熱天氣警告,市區氣溫高達33度,喺炎熱嘅天氣下Moon喺街頭宣傳,曬到大汗疊細汗。問到係咪酬勞好高,所以願意喺條街度曬足一個鐘?Moon話:「唔關事,我係代言人,今次出活動係開心嘅,而且我亦都好鍾意陽光、鍾意outdoor。」
Moon講到最近拍緊新劇《跳躍生命線》,當中佢要飾演一名救護員:「喺劇入面揸住一架重達500磅嘅救護電單車,加埋套制服,自己都擔心拍嘅時候會中暑。」Moon話佢其實未有牌:「之前同陳瀅都學過揸電單車,不過就未有正式車牌,未可以正式揸出街,所以拍攝時應該都要有工作人員陪住。」
(攝影:仇志德)
劉佩玥喺酷熱天氣警告下,於銅鑼灣街頭為代言產品做宣傳。(蘋果日報)
(蘋果日報)
明明係好熱,但Moon都話自己鍾意戶外嘢,代言人筆錢唔易賺……(蘋果日報)
未見血嘅,但肯定有汗囉……(蘋果日報