三父女合照,好溫馨呀!
香港人善心爆棚,互聯網上有唔少組織,自發性去為流離失所、遭遺棄、甚至被虐的寵物發聲、拯救兼尋覓新主人,日前就有一個名為「愛狗之家」社團,為一對失明嘅小狗搵到新主人,而呢位主人正是大家都熟識嘅Moiselle太子爺陳柏熹(Harris)。
Harris日前就帶咗呢兩隻天生眼球發育不健全同冇咗眼珠嘅孖妹返屋企,「三父女」齊齊整整咁影番張合照,真係好鬼好溫馨㗎!噚日《蘋果》致電Harris,佢話:「o依家屋企有5隻狗,之前有一隻死咗。其實冇乜特別,係之前去一個領養活動,見到好多健全嘅狗都好多屋企人陪伴住,唯獨是見到佢哋兩個,我覺得自己有能力,雖然唔係24小時都可以陪住佢哋,但係我都有家人可以幫忙,可以陪住佢哋,領養咗佢哋,咁樣會令我覺得每一日都過得好有意義。」