SLLAM

1 & 2) 再問多一次, 你賣樓會賣比只係出到100萬既我, 定係賣比出到200萬既富二代粉皮, 唔駛問你都一定會賣...
Swordman 發表於 2020-06-30 14:15:14 原文

講嚟講去你思想上嘅主要問題係：
你唔認為每個人都有平等權利使用天然資源，你認為有錢嘅人有權使用遠多於其他人嘅天然資源，就算此舉會使其他人受害。

呢個思想嘅危險之處在於，按你嘅思想，有錢人係可以購買空氣權，然後將佢炒貴，買唔起空氣而繼續呼吸嘅人可以被控告偷竊空氣 。唔好以為我講法荒謬，要做到空氣壟斷，係有方法做嘅，問題只係政府敢唔敢做。

你其實答我呢條問題就得嘎啦：由上天創造嘅物品，點解其使用權要盡歸有錢嘅人？

SLLAM

我諗到一樣可能令你覺得困惑嘅嘢：

如果土地使權係應該人人平等，咁呢個世界係咪唔應該有企業家？因為企業家有工廠，有商店，有辦公室，佢哋佔用嘅土地一定遠多於其他人，如此就違反平等嘅土地使用權呢個主張。

而我嘅想法係：咁就要睇下啲人願唔願意接受冇咗企業家嘅後果。冇咗企業家去經營公司，生產貨品供應市場，啲人嘅日常生活就非常不便，所以我哋唯有容許企業家佔用比一般人多嘅土地，去做生產。

企業家同炒樓者同樣都係佔有比一般人更多嘅土地，但佢哋嘅分別係：呢個世界如果冇咗企業家，就唔會有咁多價廉物美嘅貨品；但係冇咗嗰啲炒樓者，啲樓依然仲喺度，而且價格會更便宜，點解我哋要容許啲炒樓者白白佔用更多嘅土地，炒高樓價，令其它人要面對本來不存在嘅房屋問題呢？

SLLAM

答埋你條問題：

我當然賣畀出高價嗰個，但唔係因為我違反自己嘅主張，而係，淨係得我一個唔剝削他人係冇用。

如果有啲事情能夠廣泛咁減少剝削，我就會支持，例如立法會選舉時，有參選人提出打擊炒樓，我會投畀佢。

SLLAM

關於自由市場呢個概念，真係驚你唔明，所以諗咗個比喻出嚟：

某村有條行人路本來係人人都可以免費通行，雖然每日都好多人行，有啲迫，但大家都規規矩矩，冇人阻路攔路，都算?通。

有一日突然嚟咗個惡人，話條路係佢嘅（雖然條路唔係佢起），任何人要通過，都要先買由佢發行嘅通行證。啲通行證數量有限，價格由佢拍賣決定，價高者得，並且可以轉售，又不限轉售價格，以及個人持有量。

由於條路係啲人出入條村嘅必經之路，所以啲人都爭相搶購通行證，並且出現炒賣。

於是乎，啲村民由原本可以免費、自由咁出入條村變成要買極貴嘅通行證先至可以。但佢哋竟然覺得自己好自由，因為佢哋可以自由買賣通行證
。

SLLAM

你成日問我，點樣做到每人300呎配額。政府咁強大，要人有人要錢有錢，只係肯唔肯做啫。淨係個東大嶼都計劃畀70-110萬人居住啦。咁喺東大嶼嘅土地上實行300呎配額咪得囉。如果配額仍然唔夠，咪冇樓嘅人優先享有配額囉。居屋最大有600呎，可以做到五九折，我而家雖然要求全免地價（計返折數唔係零折，因為建築費仍要自付），但係只要求300呎咋喎，點解唔得？咁你話遠水救唔到近火，我冇話要求即時實現喎，一次做啲一次做啲，實有一日做到喎。問題係，我見唔到政府有咁嘅心去做囉。而你就企圖用人性貪婪去否定一切，不如你否定埋政府推出嘅公屋同居屋啦，因為公屋租金比市價平，居屋又有折扣，咁係會助長市民貪婪，得一想二架，包括埋你買咗嘅綠怡雅苑呀！

SLLAM

C兄：我真心凳你辛苦！嗰啲被洗腦嘅善信，絕對唔會明白你講乜，由得佢哋 la…無謂再spin 落去，各自修行吧...
飛faiyu772 發表於 2020-06-30 08:40:07 原文

我卒之知道佢哋諗乜：想炒樓

Swordman

關於自由市場呢個概念，真係驚你唔明，所以諗咗個比喻出嚟：
某村有條行人路本來係人人都可以免費通行，雖...
SLLAM 發表於 2020-06-30 20:03:42 原文

由上天創造嘅物品，點解其使用權要盡歸有錢嘅人？

求下你可唔可以放過我, 我已解釋過好多次, 呢個地球多過你自己一個人就自自然然乜野都要競爭先可享有, 我點解要同你50/50平分海洋土地而唔係我99/你01咁分, 呢個時候邊個好打啲就邊個話事, 只係現代社會唔容許打架殺人, 轉變為邊個願意付出多啲就可以霸多啲, 咁答你同唔同意?

本來見到你再講空氣權(仲要發明埋空氣壟斷一詞)我真係嘔左血, 但你又講到有方法做又唔荒謬咁堅, 我而家就反而好興趣想知道個方法係點, 有咩方法可以係真正義意上將大家不斷都呼吸到既空氣收費? 我真心唔係笑你我真係持開放態度學野, 只要唔係空想係實際就得, 記住, 唔係就咁巧立名目檢財果種收費, 我都可以話立一個諗野稅, 你想諗野就要比錢, 諗野唔比錢就衝出黎捉你做乜諗野唔比錢呢啲咁荒謬既收費

其實如果你有睇下地產新聞, 十年前出左辣招後, 已經少左好多炒樓, 因為炒樓個成本提高左, 減低左個誘因啲人去冒險炒樓, 咁點解啲樓價仲貴? 因為剛性需求囉, 個個都要住, 邊個願意比多啲咪賣比邊個囉, 所以我估你應該會好失望唔會見到有人提出打擊炒樓比你投佢一票

自由市場呢個概念你唔使驚我唔明, 只係唔明你果種加上咁鬼死多限制既自由市場點解仲可以稱為自由市場啫
你個比喻假定左班村民個個都係綿羊咁純唔識反抗, 有無實例可以支持你呢個假設?
你只要有讀過下歷史, 就會知道每個朝代倒下前個國家通常都好似你比喻中個惡人咁, 對平民徵收重稅, 咁結果係點? 咪就係最後比人推翻囉咁簡單, 唔駛我解釋吧
用呢啲歷史套用返落去你個比喻, 結果一係就係班村民圍摳個惡人, 一係就係班村民夾錢請人隊冧個惡人, 咁你接唔接受我呢個講法?

咁我都將你個300呎建議用落你個比喻問返你:
而家平均分配呢條行人路比咁多個村民(假設100個人), 等每一個人都可以擁有屬於自己百分之一既路權, 但當中就有我呢個貪婪L樣, 知道你地要出村就要必需要經過我果部份路權, 雖然條路唔係我起, 但條路確實係公平地平均分配得返黎, 所以我決定每個通過我個路權都要收錢, 當其他人見到我收錢, 個個又跟住收, 於是乎每個人要出一次村就要比足99次錢, 咁你覺得咁樣又會唔會令條村變好?

Swordman

你成日問我，點樣做到每人300呎配額。政府咁強大，要人有人要錢有錢，只係肯唔肯做啫。淨係個東大嶼都計劃...
SLLAM 發表於 2020-06-30 23:58:44 原文

不如你都係集中一個回覆覆我吧, 你呢個post唔知點解今早先彈到出黎比我睇到

如果你覺得政府真係要人有人要錢有錢, 成件事就簡單好多, 派錢就得, 你講你只要求人人300呎免地價(假設10k呎), 咁政府就直接派每人3M現金買樓, 快過起楝樓多多聲, 你覺得有無得做?

另一個問題就係, 點解要無樓人士優先? 有人實出黎投訴佢層200幾呎既樓上年辛辛苦苦買返黎自住, 咁咪對佢地唔公平? 跟住就反對政府, 唔係政府無心做, 係現實做乜都總會有人反對, 呢班人可以係既得利益者(eg劏房波)或真係被唔公平對待既人

明日大嶼其實我有保留的, 但都算乎合左我將公屋起係邊遠地方呢個主張, 但正如我第一段所講, 政府有無限金錢既話我都會同你一齊投訴政府點解唔做, 現實係舊錢用左係呢度就無錢用落第二度(eg 醫療教育), 雖然而家政府明顯有錢都用落大白象度唔用落醫療教育, 但呢度我覺得已經涉及到政治考慮, 再講就越扯越遠。我有保留只係我覺得明日大嶼會破壞左個海洋生態, 破壞左就返唔到轉頭

你估錯左, 我唔係講緊炒樓, 再估過

飛faiyu772

關於自由市場呢個概念，真係驚你唔明，所以諗咗個比喻出嚟：
某村有條行人路本來係人人都可以免費通行，雖...
SLLAM 發表於 2020-06-30 20:03:42 原文

C兄：我肯定佢唔明！

飛faiyu772

我卒之知道佢哋諗乜：想炒樓
SLLAM 發表於 2020-07-01 00:30:40 原文

C兄：他的思維係香港功利主義培養出嚟嘅，並已騎上虎背，當然唔想影響自己嘅利益，於是便把這想法歸類為必然、甚至奉若神明！ 而你冇俾香港污染丶洗腦，所以比佢正常，你所講嘅才是人應該有的基本態度。