提防富蝶的裝修公司

純轉載富蝶一期住客經歷

小心黑心裝修公司 富X五金傢俬 (伏過承仔) 請廣傳！

富蝶邨斑X樓地下　裝修判頭：梁XX

此人專門去一些新落成嘅屋邨，向一些欠缺裝修經驗嘅新派樓家庭落手。

同東張西望嘅個案一樣，開頭態度好好，收取訂金後態度就會180度轉變，不斷用不同既理由要你加錢，明明傾好係包括在內嘅項目都會變成加錢嘅項目

手工差劣仲會用盡辦法偷工減料，如果你質疑佢更會表示佢同一些有背景人士相熟，這些師傅絕對係易請難送。

結果當然錢就畀足，入伙無耐泥水，防水，油漆問題相繼出現，訂造傢俬更加係慘不忍睹，連上牆吊櫃都裝唔穩跌咗落嚟。

無奈最後要再請其他師傅上黎執修，果時就會發現佢有好多工序同料係冇做到，手工更加係不堪入目。

已有多名苦主，但由於裝修合約簡陋，就算對簿公堂都係無奈收場，法律往往係裝修工程上保障唔到一般市民。

小市民等咗咁多年先上到樓，裝修嘅錢更是多年血汗，欠缺裝修經驗，如果遇上黑心師傳，求助無門只能自嘆不幸。

好彩既係有人發現佢係富蝶邨搵食，可以提醒大家，佢過一排又會去另一個地方，無法找到，又唔知會有幾多家庭會受害。

現在只係希望睇到呢個帖嘅每一位盡量廣傳畀其他親友，特別係富蝶富亨或係新派屋邨嘅親友，守望相助，唔好再有其他受害者。

所以呢！我會自己裝修

人渣

回應 #1 豬兜王

有冇報(西張東望)，(搜查在線)呢？

回應 #1 豬兜王

呢間装修公司舊年都有苦主報料中伏，

黑店係富蝶同皇后山揾完食後，好大機會轉移去和田菁田繼續揾食，各位谷友到時要小心係樓下承仔和商場開店的電器舖和装修泥水店舖，掛羊頭賣狗肉。

謝謝提醒

回應 #2 free0001

你識得裝修就話自己來裝，我哋唔識甘點算？

佢係唔係承仔? 如果係，咁向房屋署投訴有冇用呢?