回應 #1 MoMo@石籬
老細，係咁嘅喇，裝修只能自己做，或全程睇實。出面D友個個練精學懶，淨識收錢。我揾樓下裝修做個簡單浴櫃，現場全程監督，佢都可以因為節省功夫少鋸D木而將來去水做高同馬桶面平衡，頂住坐馬桶時嘅大髀位，你問佢點解要咁，佢無恥到話來去水做得低（即好似房署交屋時嘅高度），反而會頂住腳瓜位，感覺更頂更窄。簡單到去U形去水接口位居然無上PVC膠水，收貨兩三個月一直發現下面好似濕濕地，再揾佢地上蒞先發覺無上PVC膠水。叫佢面盤用雲石，佢係要推薦人造石，結果人造石係最難打理。同我上吊櫃，佢明知我對鑽機唔生疏，佢都可以當我面就咁直打釘，直接打爆瓷磚面，雖然係櫃裡面，但只係一兩步功夫，使唔使咁？用咗一皮嘢左右整個來去水/浴櫃，真係一舊雲，完全當客係傻仔，好彩全程睇實，否則都唔知用得幾耐。
反而我係大陸揾間大嘢訂造櫃，個設計真係好幫得手，用料/擺放全部有商有量，有傾有笑，合作愉快。
本帖最後由 ilearner 於 2014-09-02 13:01:33 編輯
