對於擴展區既我非常反對, 只能無奈接受, 本身火炭已經會有一座居屋比綠表人仕, 而家又將成個屋村比哂綠表, 我地呢班排緊擴展既, 真係上樓無望, 林鄭都識講, 換樓既人來自4方8面, 但我地又轉唔到出市區,
咁4方8面既人分哂我地擴展區既公屋, 咁我地排緊擴展既人會點???? 諗都諗到啦......而家閒閒地都排4-5年先上到樓, 咁樣搞一搞, 一定會延長到6-7年, 如果你一開初就已經決定將此地做綠置都冇咁嬲, 而家個感覺係無啦啦比你搶左塊地咁......其實所有房屋都起唔夠架啦, 政府係應該努力搵地起公屋同居屋, 擴展自火炭之後都好似冇哂安排咁, 而家連火炭都冇埋, 咁即係點??????
真心想問, 有幾多住緊公屋既人會考放棄間公屋, 拎錢出來買火炭呢個綠置, 地點唔近火車站, 比工業村包圍.....交通亦唔知佢會搞成點......
第一個綠置居景泰苑剛剛先買完, 準備入伙, 之後既成效都未知, 係咪真係要即刻將成個火炭公屋轉做綠置係合適？
