單位翻新緊，果日係睇左同款既單位。睇樓途中見到兩個女人帶住兩隻細狗散步 又有有呀叔係我地住果層拎4個雀籠出黎曬太陽

棟樓有幾十室，我地派果間係最後一室，所以係單邊，右邊唔會有人住 （呢點係加分既，同埋旁邊係樓梯好大風）

其實上次都係派左30幾年既樓（麗閣），但係樂華南大堂好似新淨好多，話外牆每5年翻新一次，間屋都係舊長型250呎，無咩特別，同款單位房署keep左上手既鋁窗，我地應該無要自己裝返

主任好積極講解我地可以點間房/佈置等等，介紹用小儀日立果款冷氣，因為散熱舊野細啲

條邨夠大真係咩都有，一落樓就係佳寶同街市，街市賣乾濕野多，有懷舊零食鋪同樂華商場有好典型既文具鋪（係領展管理下仲生存到）曬相鋪、小型鞋鋪、大家樂、翠河、八方雲集、冬菇亭、大昌、百佳、等等

娛樂方面有仲未開既冒險樂園，體育館

樓下係巴士站，有22m小巴去觀塘站，主任話用十分鐘可以行到牛頭角地鐵站，我地中途唔熟問人用左15分鐘去到。

其實今次係正式第一次派，因為睇完環境屋企人覺得唔錯，話雖然唔係最滿意，會比7分，所以應該會要