外賣員長期在室外工作,除了日曬雨淋,更要應付打大風、下暴雨時倍增的訂單,走數的訂餐者及惡作劇的小朋友,可謂是一份苦差。昨日(25日)香港街馬盛事,不知是不是有人希望向外賣員致敬,竟以一身外賣員打扮出賽,口中叼着一根牙籤,留着滿臉鬚根,手中更揪住兩盒外賣。有同場跑手「搲爆頭」問:「究竟邊個叫外賣?」
「香港街馬@九龍」昨日在觀塘繞道舉行,吸引逾萬名跑手參與賽事。有跑手在社交平台上載一名「外賣仔」跑街馬的相片惹來激讚。該名叫Raymond的跑手身穿一件廚房工常着的白色恤衫,胸口及耳朵上夾着一枝藍色原子筆,肩膀披着一條「祝君早安」毛巾,一臉鬚根,嘴角更叼着一根牙籤。手中拿着的外賣盒上,更貼有一張外賣單,造型絕不馬虎。在他跑步期間,汗流浹背,半透明的恤衫令整個造型更加「抵死」。
除了「唏噓外賣仔」外,Raymond亦曾參與過往馬拉松賽事,扮演電影《國產凌凌漆》中的「唏噓豬肉佬」。而今次的外賣仔相片獲得逾千個讚好,有網民笑言:「外賣佬唔係個個扮到!」最神似的是那根牙籤,及一臉唏噓的表情,簡直將外賣仔演活,有跑手更笑言誤以為有人叫外賣。
網民有話說
Andy Lai:茄蛋飯加底幾錢?
Kawai Cheung:最神似係個表情同支牙籤。外賣佬唔係個個扮到。
Lotus Ho:我見到嗰陣,不停喺度諗邊個叫外賣。
Key Chan:盒飯仲有張外賣單掛住,超似!
Debby Choi:係咪全程咬住支牙籤?
Keung Chen:唔知有冇偷聽器?個飯。