房屋協會推出香港仔漁光村約200個空置單位作「暫租住屋」過渡性房屋，今日(16日)開始接受申請。不少輪候公屋多年仍未上樓的市民前往大坑房協辦事處索取申請表，單計該辦事處，首日便派出108份申請表，收回28份。

林太指自己零晨1時已前往辦事處了解是否有人龍，整晚未有回家，今早開門便取表，「驚多人嘛，想試下早啲交表」。她指現時與老爺奶奶同住，6人居於300呎單位，生活非常擠迫，「去廁所行過都要打側身借過」。

她表示，自己18歲起已申請單人公屋，由未婚等到結婚再等到生仔，歷時8年仍未上樓，現時正輪候三人家庭單位，擔心上樓無期，「等極都等唔到，有啲人話等到死，個個都話無樓，咩地區其實都無所謂，最緊要有得住」，又指夫婦二人月入僅2萬港元，「唔計畀租都係啱啱好，出面根本租唔到(起)」。

78歲馬先生3年多前開始輪候公屋，但一直未獲編配，現時以月租9000港元租住田灣300呎單位，「又話長者等兩年幾，好話唔好聽，死埋都唔知得唔得到」。雖然漁光村沒有電梯，但他表明不介意，「當做運動囉」。他批評政府興建公屋緩慢，「講都嘥氣，成日話無地，新界咁多地，大嶼山要起都得啦，問題係你做唔做之嘛」。

陳女士一家三口輪候公屋5年，現時以9500港元月租租住鰂魚涌200、300呎單位，租金佔家庭月入近半，「嚟緊可能又加租，今次抽暫租住屋當抽六合彩咁抽㗎咋，起碼慳番租先」。而政府把居屋售價調低，她認為始終未能繳付首期，「有屋企人就話有首期啫，每個月捱貴租都儲唔到錢啦」。

徐先生一家三口現時與父母居於順利邨單位，希望有獨立空間，今早前來取表博運氣。他一年幾前曾居於劏房，100、200呎劏房單位月租高達5000港元，認為租金太貴，無力負擔。對於今期房委會居屋有望調低至市價52折，他表示同樣會考慮。