樓價高企，未必人人有能力買入私樓，資助房屋亦是不少人安居之所。有網民發帖指，眼見不少報導及節目均有介紹「豪裝公屋」，但裝修費亦不菲，為何有人寧可花大錢裝修公屋，而不將該筆錢用作首期。

其中，有網民指，所謂豪裝亦不過是用作添置較好的家具，或是訂造櫃子等，並非改間隔等大型工程（出租的公共房屋不得改變原本間隔），花費亦只是約10數萬，不足以繳付首期。

有網友認為現時樓價超高，非人人買得起樓，豪裝自住公屋令自己住得較舒服，亦無可厚非。

網民意見
至xxx名：咁如果決定唔買樓 整靚間公屋都合理
戴xx：十幾廿萬上咩樓？紙紮？如果人工得果萬幾蚊，成副身家得2-30萬，咁就緊係拎去裝修啦，比乜首期，邊供到啊
習xxxxx國籍) ：買咗就冇所謂，如果租嘅聽講搬嗰時要還原
佛xx仔皇：俾我寧願儲埋D錢，等幾年綠表抽居屋，咁樓價升你都享受到升幅，資產增值先有機會脫貧。唔一定100%成功，都要睇命運同努力，不過點都好過洗哂仙都唔仙下！窮只係中間過程，不是結果！要同自己講！
痴xxx劍：其實今時今日，假設係二房舊公屋要搞埋水電,間屋雅裝唔計電器都25個（萬元）都真係岩岩好，成日聽人十萬八萬搞掂得二個可能，一係新屋村樓下果D量產式倒模裝修，又或者係設計公司D廣告抽起晒木工地磚制位唔計。至於首期，今時今日600萬買到既二房單位都係D充滿妥協既地方，但講緊最少都要預160萬 (2成首期,雜費)，咁二三十萬裝修又算係咩？
肉xx：200呎左右普通裝都洗左成十個，買下家具電器洗十幾個好出奇？