擺左個錄音喺另一個post到，有club友會覺得職員好似好唔想你地住咁，將可能發生問題提出來要你地考慮清楚咁，本人認為職員做法絕對無錯，可能之前類似case太多，香港人又有投訴之都既美稱，所以為怕之後住得唔開心先叫”先小人，後君子”，現在所感受氣氛絕對和諧，可能淨聲音比大家幻想空間多左，但其實職員們都好有禮貌既。
有關座廟，職員再三強調沒有資料，因不是房署起。「個人覺得」亦因爲沒有資料，所以職員會將發生問題先誇大，等大家有個更充足既心理準備。但本人睇番舊有位置，認為起廟都唔會太大，應該都係行幾級樓梯再得一座咁上下，總高度都只到美葵一樓咁上下(個人估計非官方資料),所以影響一定有限，風水問題不多討論，黃大仙，大坑一樣地靈人傑。

今日見都有部分人士可能會拒絕單位，完成講解後曾查詢職員取匙日期，職員透露過3期會早過7期，因7期仲有少少要執漏，3期可能2月，什至1月都有可能，總之以房署作實，而起廟會係19年年中開始，所以等再派石37貨尾既朋友都要考慮番呢個問題，無可能等起好再睇環境喇。

都唔太知自己講左啲嘜，總結番，好似之前啱啱超強颱風咁風咁，天文台一定叫大家防範有咁勁得咁勁，但個風到左香港又係咪咁強呢？我都希望只係”廟細燈籠大，最緊要有樓派”
祝大家齊上心水樓。本帖最後由 edwinfufu 於 2018-11-20 22:59:59 編輯