超市間中會把包裝有瑕疵,又或即將到期的貨品以特價出售。惟昨日(18日),有網民發現一間連鎖超市的特價產品,竟包括標明「有穀牛」的包裝通心粉。他不禁發文:「講到明有穀牛就可以繼續賣?」有網民卻嘲其見識少:「有穀牛又何如?冇叫你食埋落肚。」
網民何英傑在社交平台發佈貼有「清貨」標籤的包裝通心粉照片。只需4港元,就可買到一大包通心粉,看似十分誘人,惟近看黃色標籤,上面竟寫着「有谷(穀)牛」。從照片可見,放有特價貨品的購物籃中,至少有3包通心粉被貼上「有穀牛」標籤,但就未有發現穀牛身影。
網民對事件反應兩極,部分人認為只要清洗乾淨,可照樣食用,「洗一洗(穀牛)就浮晒面,米都可以食,沒問題」。有人則戲謔稱超市「好誠實」,認為做法不妥:「有穀牛表示包裝有破損,入面隨時已經發霉,仲敢賣畀人食!」「食完唔舒適係咪超市負責?」亦有網民「錯重點」:「減價都好似唔係好平,出面見過再平啲!」
涉事超市回應東網查詢時指,得悉有關事件後,已即時檢查大埔和粉嶺區內店舖的相同產品,並沒有發現其他個案。
網民有話說:
Tai Man Chan:放落雪格幾日乜都死。
Lee Wai Ma:賣穀牛送通粉。
Glenn Lee:好有良心話畀你聽有穀牛。
Eric Chan Chi Hong:賣有問題商品,根本係死罪。