自入伙以嚟，一直都係馬不停蹄般忙碌著.... （相信各位街坊都係！）
清潔喇、拾嘢喇、招呼親朋戚友睇新屋仔喇、擺入伙酒喇、接送Eric返興趣班喇、仲要忙里偷閑返鄉下探親幾日喇...

呢一切嘅一切，真係少D心機、精力同腳骨力都應對唔到！
卒之搞到自己嘅體重嚴重下滑，3個月內足足瘦咗30幾磅，都唔知應該開心好定唔開心好？！
當然只要健康，自己都覺得冇乜所謂，潮流興瘦吖嘛！但屋企人就極為心疼兼擔心囉，為免佢哋再為我擔懮，所以我決定要增肥！食得是福嘛！哈哈哈~~

SO，呢排嘅首要任務就係HEA+飲飲食食！
當然除咗首要任務外，仲要配合埋次要任務先會更為理想喇，就係瞓喇！
飲飲飲、食食食、瞓瞓瞓、HEA HEA HEA....係咁循環、循環再循環.....
哈哈哈~感覺就好似係“豬乸”過活般...嘻嘻嘻...真係有D誇張+恐怖架！
不過無他嘅，只係務求自己喺最短嘅時間里，體重增加至理想磅數--100磅就OK架喇！

但大家唔好誤會喎，喺HEA緊嘅期間，我唔係乜都冇做架！
我都有如常買餸煮飯、打掃衛生，陪Eric讀書寫字同接送Eric返興趣班架！

其中有一樣嘢最值得同大家分享---玩墻貼！
有D墻貼都幾盞鬼架！嘩，真係琳琅滿目，睇到我眼都花埋咁滯添！
不過喺淘X淘嘅墻貼，價錢雖平，但品質麻麻地，真係一分錢一分貨。但又估唔到會有出人意料嘅效果喎！

好enjoy成個過程，同埋貼完後好有滿足感！最重要嘅係可以一家大細齊參與，樂也融融噢！
所以，SHOW出嚟俾大家望下...

[attach]33799[/attach]

[attach]33801[/attach]

[attach]33800[/attach]

[attach]33802[/attach]

[attach]33803[/attach]

[attach]33804[/attach]

PPS. 速遞費超貴，原因係我哋份屬新界區，所以要加收唔知乜乜費30蚊...即貨送到府上速遞費TOTAL：$60起，分分鐘D速遞費仲貴過D墻貼！我覺得極之唔抵囉！但香港+九龍嗰邊又話唔曬加收費喎，實在令人費解！？？？