其實3座1 4座1 卍字樓 如果想間2間房大小小 應該可以點間呢
ilolked 發表於 2019-04-10 18:40:44 原文
根據窗口，兩房就一定咁間，然後綠色係飯廳、藍色係梳化，而黃色係電視。當然有師兄會係梳化區黎做梳化+電視，但我覺得咁既話同其他房型一樣有一個問題，部電視同梳化距離太近（2米幾）。而我上面既擺法，你可以用張好大既梳化，部電視用80吋都無問題，因為我既擺法電視同梳化距離將會有4.2米，而且飯枱果邊亦可同時享用電視，另外，係原本設定上，電視既插頭亦在黃色既位置既牆上，唔駛做任何改動。
而呢種單位間出黎既大房，size係介乎長房型既大房與長廳型既大房之間，絕對有空間，而且你係可以因應你需要，將房向廳擴張，只有此款單位先可以咁做，而另外兩款單位個闊度係2050mm就2050mm，無得變，就算你向廳擴張，都只會變左L型房而唔會好似3、4座1室咁實際將成個闊度拉大。
