裝修時沒有更換廚房的牆磚及地磚，但裝修后住左成個月，廚房地磚抹來抹去都覺得好難睇咁嘅，有乜方法? 要美縫膠嗎?請大家教下路！

我屋企都有同樣問題，地板好容易有污漬同啲隙縫一達達，家人用以下簡單古法處理，圖為處理後嘅樣。五金鋪買一斤白英泥（$5），用裡面嘅四份一，用水溝開，開到好似漿糊嘅質地。地板先清潔好，然後用濕地拖抹一抹，跟住將白英泥漿倒喺成幅地度，薄薄一層就ok （家人用油掃掃）, 等大約5-10分鐘後，用半乾濕布將多餘嘅白英泥（即隙縫外嘅白英泥）抹走，吹一晚唔好踩，第二日就可以自由出入同正常清潔。整左白英泥後，幅地平整左，無咁容易kick親，家中老人之前被不平嘅地面kick左幾次