各位準備裝修既朋友業主, 最近我都問緊裝修報價, 分別搵左2間比較, 過2日會約埋傾下再決定, 雖然唔知大家願意透露否, 但我都想分享及交流下大家意見~

我係1房單位, 2間分別報我16萬, 21萬, 21萬個間我唔多講了反正唔會揀, 主要睇16萬個間, 工程係重做廁所及廚房, 單位隔一個玻璃門做多一間房, 有陽光可透射入屋, 價係包底料但唔包傢俱及面磚/瓦, 只包廚櫃及廁所內所有野例如包料裝坐廁、洗手盆、另淨工幫你裝牆及地磚、所以我既基本裝修費貴在廁所及廚房度, 而報價唔會有設計費了, 因為網上有好多裝修片睇, 我覺得參照返差不多同裝修公司夾下便可。

清拆:1萬
廁所廚房: 7萬
油漆: 2萬6
間隔: 1萬3泥水: 2萬3
其他:1萬5

以上有幾項我要考慮, 大家有冇咩意見, 當中有冇想知道邊個項目要我詳細打出來包乜包物。
關於油漆工程, 其實交樓既原裝是否真係差到要剷過再油, 或執灰再油呢??? 用原裝/甚至自己油會比較划算呢?
小弟畫左個超簡單既擺位圖比大家參考下，部份沿用舊屋既傢俱, 有部分係要另買喇, 始終預算不多, 訂造傢俱是否貴過純去大型傢俱店貴呢?

感謝!