搬入來近三個月才叫執到間屋見得下人 。其實有好多野仍塞左入櫃未有心機執 。基本我家冇找人設計, 純自已想點放就點放 而且本着環保新舊傢俬混合用, 所以全冇設計可言, 全以實用為目的。有好多細小位要自己做, 所以時間又長好多。
最大最貴的裝修除水電牆這些冇得走外, 就是廚房,窗及冷氣了 因找吾到有這些舊村裝修參考, 故此開頭真的頭痕。但因地方是長及方正, 也易放置物件。
舊屋邨最頭痛的就是冷氣, 若俾我再裝修, 可能改回用固定牆身間房, 除非是小孩未成長諗住十年後再間房。而且若是超級怕熱的, 也考慮要間房裝冷氣。現在只用一部兩匹全屋用,是不太理想的。幸好依家有對流風扇可幫助下。 千萬別信冷氣可以由房頂位吹入去房的説話。。。除非你完全不怕熱 。但若裝太多冷氣, 晾衫位就可能沒有了 , 真兩難
因我好喜歡這晾衫位

另一較難處理是去水位, 全屋只得一個去水位 起初洗衣機R哂頭點去水, 最後決定整喉去廚房去水。而廁所乾濕不分起初也不慣。洗手盆在外也要度了多次想了多次才決定買幾大, 怕太大會阻出入。
露台稍後會買摺枱作食飯用。個個上來見到個露台都嘩一聲 話好大好正。咁係架, 有人間到一間房住, 但我冇需要, 留空了作飯廳用, 更可作運動用
搬屋另外最大得益可能是我家主子, 起了3層板給她上上落落

希望其他人派到類似的屋也可以作參考下。當然, 有$的就不是問題 俾人設計全屋裝修, 要幾靚都有
最緊要大家住得舒服開心。 希望其他人快上樓有個安樂窩

原本是有窗的。但若裝了廚櫃就一定封了。吾封我都開關吾到 好高的。條喉就放櫃内穿返出去。浴室我加番浴簾就可沖涼不會濕。

唔一定的。每隻貓不同。我之前2隻就抓沙發, 這隻不會。所以要有心理準備才好養。養了要接受主子行為性格。

其實廚房門有冇人會咁改?因我家老細堅持不換門, 所以就幫我改成咁 我就自己加裝飾