教你地玩多樣野啦，種火龍果苗！
首先用1/4個火龍果，要佢黑色一粒粒既核，可以用牙簽逐粒了，但係我懶，我用煲魚湯袋洗，不停咁洗！
洗到一粒粒核好清楚見到，無其他肉癡住！
跟住就要用一張白布，將D核分開放係度風乾（一定要完全風乾，否則種起上黎有好恐怖既野發生~~~~會生蟲！）！
風乾大概兩日，就可以落盆啦！1/4個火龍果全部核平均放入泥，淋水！
頭果段時間唔可以接觸陽光，直至見到有兩塊葉仔，就可以加少少肥，淋水，曬太陽！
到見到支莖有力啦，就可以係咁曬多D太陽，因為火龍果係仙人掌科，唔怕曬既，不過要注意會唔會太乾，唔夠水當然會曬死佢啦！
過一排就會見到一盆好靚既火龍果苗啦！好靚架！
[ 本帖最後由 亞力山大帝 於 2008-11-24 17:38 編輯 ]
