樓主果度，石排灣邨，係 新和諧一型，
果時啲樓，質素開始好差，
同而家新樓，非標準設計大廈，一樣咁差。

如果要從單位格局，同建築質素，取得平衡，
我認為最好係：

不設冷氣機石屎檯，的早期 和諧式，
其次係 Y2 Y3 Y4 大廈。

七八十年代 舊樓，
質素、用料好，隔音好，開則實用；
而家又基本上，派之前，
會廚廁換曬全新磁磚±地磚，
同重拉全屋全新電線，不知幾好。

和諧式方面，
越早期，質素越好，開則越實用；

最早期，冇冷氣檯，有露台果批，
質素最好，隔音亦較好，面積亦最大；

跟住到，有冷氣檯，刪除露台果批，
用料明顯差好多，隔音開始差，
面積開始縮細；

到 新和諧一型，
面則進一步縮細，隔音好差，
建築質素參差，好多空心磚；

到而家，新樓 非標準設計大廈，
承繼 和諧式 單位立面，
但面積更進一步再縮細，開則更不實用，
隔音差，解築質素普遍更差，更多空心磚。

可留意，由最早期和諧式，
到而家 新樓 非標準設計大廈，
可以睇到佢 廳/房，個梯級型立面，
（即相中，中間條線個深度）
凹入去的位置，越來越深……

我而家住的 新樓，比細個住的 早期和諧式，
呢個位，足足凹多咗成倍入去……

（利申：由細到大，無論屋企搬屋，同去親友屋企借宿，住過唔同時期興建的公屋）