我有位鄰居因為擅自養狗, 未滿兩年已被房署扣了4次分, 見到房署主任放咗封信喺佢門口鐵閘, 照計今次應該會被房署中止租約。
佢第一次被人捉到單位裏面養咗三十幾隻狗, 最近一次就被人捉到養咗八隻狗喺單位裏面, 單位裏面週地都係狗屎, 到處曱甴仲要爬出門外走廊, 走廊充滿惡臭, 為咗掩蓋狗吠聲, 開大電視機播音樂製造噪音, 特別係深夜凌晨樓上樓下被佢嘈到瞓唔到覺, 該鄰居自己平時就帶密封式耳機出入。
嗰日聽佢喺門口求情, 話自己持白卡要定期到青山醫院覆診, 父母生癌長期住醫院, 聽落好慘, 我好膽心房署會心軟。
