唔知大家噚晚Facebook有冇俾由毛記電視舉辦嘅《第一屆十大勁曲金曲分獎典禮》洗版呢？分獎典禮噚晚喺伊莉莎伯體育館經舉行。喺一票難求嘅情況下，買唔到飛嘅朋友亦透過nowTV收睇直播。分獎典禮繼續諷刺時弊，大玩二次創作、惡搞，好似一開場東方昇已經話要學近期立法會泛民議員咁拉布「點人數」，因為近日有人無故失蹤。

噚晚分獎典禮有唔少藝人捧場，好似徐小鳳、王宗堯、方健儀、何韻詩、河國榮等等，當中有唔少精彩及搞笑時刻，而家就同大家重溫一下。

1. 小鳳姐亂入


張崇基同張崇德憑住寸爆港鐵嘅《想搭很難》「分到」勁曲金曲第六位。上台時佢哋就話：「第一次拎獎係1993年，之後1994年再領獎之後就冇再去過頒獎禮，我哋第一次開騷都遇到好多問題，喺低潮時有個朋友同我哋講，無論你做咩都有人唔鍾意你，所以你做好本份為鍾意你嘅朋友唱歌就得，而依位朋友都嚟咗，我哋第一次開騷時佢有嚟，多謝小鳳姐！」之後鏡頭影住小鳳姐，更率領全場大合唱《喜氣洋洋》，小鳳姐之後仲飛吻同企起身多謝大家。嘩！今年邊個樂壇頒獎禮請得郁小鳳姐先？

2. 男主播都有獎

由毛記男主播組成嘅「FF的s」，佢地憑《羞家BABY》勇奪勁曲金曲第五位。四位男主播著住銀色貼身戰衣又唱又跳，好多人鍾意嘅專家Dickson仲露出白滑美腿。嗚呀～～

3. 小學生拎組合獎


頒完十首金曲之後，就頒發香港區最受歡迎組合獎，結果由「繁忙兒童合唱團」奪得。小朋友唱出諷刺學生每日面對無盡嘅功課同溫習壓力嘅歌曲，真係百感交集。佢地唱出《Sir來了》、《測無驗》、《補充練習無間做》等歌曲，唱到七情上面，有啲仲趴喺地。唱《補》嘅小劉華chok到爆，獲得台下觀眾熱烈掌聲。

4. 有盧海鵬一定有試咪


盧海鵬憑住《幾好相與》分得最受歡迎廣告歌曲大獎。一見鵬哥，全場觀眾已經好high咁大叫「試咪」。鵬哥亦好識做咁話:「嚟o架啦喎，要試就嚟啦喎……咁多人喺間房度聽試咪。」話時話，全晚好多觀眾都同個贊助商嗌多謝，真係賺晒。

5.俞琤金句位


連叱吒都冇到，剛剛退任商台副主席嘅俞琤（YT)，分到「大紫荊分獎」，仲由毛記腦細、以前同俞琤喺商台共事嘅林日曦頒獎。YT上台梗係有一番偉論要講︰「什麼才是真實而恆久？或者我一直會保存着這份『無大無細』，因為現代的薪火相傳要良性互動，有時候經驗捉喺手度，分分鐘會化為『老餅』，反而與時並進，才能歷久常新。貪求進步一生癡，一切嘅砥礪、切磋，豈會是徒然呢？」
係，都係用返《天各一方》嘅獨白，自己同自己玩二次創作，網路23條過咗的話，拉唔拉得？

. 河國榮唱香港地

本帖最後由 missyou 於 2016-01-12 13:53:58 編輯