負責嘅人唔出嚟承擔，搵啲公關嚟擋，當工會係乜？
早前美心立即做咗一啲變動（詳見：
https://goo.gl/FSYjai），而我哋仍在繼續跟進。下圖是最近收到的信件一部分，關於員工可以搵人表達意見咁。
其實美心啲「圍威喂」都人所共知了，你啲問題分區經理有份造成，你唔通又同番分區經理講？你再搵第個人講又係搵番相關人士解決你，結果唔係你解決問題而係你俾人解決咗。試過有前美心員工就因為唔識擦鞋、人事關係唔好，被人調嚟調去，俾啲辛苦位你做，最後乾脆自己辭咗職。
就以美心呢種回覆為例，其實美心係有誠意就直接見工會代表，咁咪最直接有得溝通囉，唔係話你做咗嘅政策變動無用，而家加班費月月清對員工是好，但對工人既尊重仲係體現喺你見唔見工會呢啲邀約上。
唉。講你都唔明，美心。
我哋繼續跟進的有：工時暨加班費、工資、同工不同酬等。
（各位手足如果有試過信中講既「渠道」，都歡迎講吓最後點。無試過嘅朋友，亦不妨講吓點解唔試。）
本帖最後由 我是傻的别怪我 於 2016-04-09 09:48:41 編輯
