申請低收入綜援，因收入＋贍養費高於申請資格，不能幫忙，取非你有租屋住，但一個人揍住兩個小朋友入息加埋不過九千，又如何租屋住呢。再找社工協助申請公屋，佢地話你未夠資格幫唔到你。慶幸有屋企人同朋友的幫助終於捱過最痛苦的時間！

https://www.facebook.com/hk01wemedia/posts/547918185391609 visit

完全明白,5年前我離婚之後都搵社工幫我,去到之後佢第一句係叫我去睇醫生轉睇精神科,話想自殺.其實經歷咁既轉變我又點會無自殺過呢.有一次去見醫生途中我既自殺念頭又出現,我同醫生講,佢又係帶左我去第二間房,等左好耐,嗰日我約左要去見工,我話要走,之後比5,6個護士捉住我鎖左喺張床度,要捉我入九龍醫院.
個社工從頭到尾都無了解過我,淨係叫我睇醫生拎封個比佢,最近佢話同我去見醫生,足足放左我三次飛機,幾好醫院等,第4次佢先有到,仲要同我講如果醫生今次都比唔到封信佢,佢就幫我唔到喇,件事到現在已經4年喇,佢竟然可以講D咁不負責任既說話,反而醫院既社康護士好好,佢會佢聽我訴苦,就算佢幫唔到我D咩,但係佢既聆聽已經令我好舒服好多
我比較幸運既係(我沒有小孩)
有人覺我呢篇報導誇大又或者事實又未必有咁慘既,但係我想講,呢D類似事千真萬確咁發生過喺我身上,我地唔係有D咩事都隨便搵社工.只係嗰個時候完全諗唔到野,唔知點算好,希望布人可以聆聽下比下意見,人喺軟弱既時候係需要人幫既,好多人未試過係唔知有幾無助. by  Chan Siuwan · Hong Kong
WaiLing Wong · Hong Kong
勁憎一D冇同理心既社工。當年我媽急性末期癌症在醫院，有2個所謂申請醫療援助的PK社工,診我們不在醫院時候，單獨探我媽咪好似審犯唔夠，仲同我媽講叫佢唔好扮野扮病，叫佢冇病就起身唔好呃援助！但我媽已被醫生通知淨返最多個零月時間。十年後今日，仲好記得當日夜晚去探我媽咪，佢眼紅紅好委屈和我説起這事的樣子。仲要醫院只承認有2個社工來過但包庇2個PK唔肯透露叫什麼名字！而家唸起還很心酸和嬲怒！
本帖最後由 folee2008 於 2016-05-13 16:09:47 編輯

可怜

文中話放棄八千蚊人工，拎綜援唔夠食，明顯佢冇了解過綜援。
單人都二千幾，單親拖個仔再二千幾，水電煤屋租全免，又唔洗比番工車錢。
如果你話有高堂要養，即係佢地都有資格每人拎多二千。
大陸婆一家五口都萬四蚊一個月，你兩口點會三千？

唔肯了解綜援，就連綜援撚既生活都不如。又或者有需要攞綜援既人，都冇乜能力/資源去了解綜援。

留錢比大陸人，何不全職教仔？
(要有人生意義，你可以做義工;仲可以做唔影響照顧細路既parttime，綜援會扣少少但感覺上有番d 貢獻) by Bongo Chan

Chu Max ·  有關社工前線和醫院前線的例子，或許你理解的是我把兩者掛鈎。但我實際想指出，前線社工根本是「輔助專業」。他們是負責接觸個案，收集資料和協助將觀察同意見交給執行部門。他們能力有限，亦不是可以按個案情況特殊就能私自決定幫定唔幫，這會出現越權的問題。上文，我是用護士等同社工，皆因大家都是輔助專業。用社工跟醫生對比，當然是不對等啦，一個半專業，一個專業當然無得比。但如果你將護士和醫生一同看成「醫院的工作人員」咁就出事！護士同醫生的工作是完全不同的！你可以試下叫醫生去當護士派藥，跟進病人牌板，為病人量度生理指標，你就會發現好多醫生都搞唔掂，因為醫生是負責臨床診斷，開藥，完成手術。護士有護士的專業去輔助醫生。這跟社工與其他專業合作的情況一樣。

就算好似你所講上班時間計，你唔好以為社工真係返44小時一個星期。社工的工作係對人，如果個案真的有需要，你收工都要做。有時OT起上來，社工的超時工作亦不一定有保障，好心的機構俾你轉時數放假，唔好心的要你奉獻架...社工的壓力一點也不少，因為影響的也是人；千萬別小看社工的工作壓力，以為上班只是找人聊天。如果你說錯話，用錯介入手法，令到求助者有錯誤的理解甚至影響人身安全，社工是要承擔的。如果在醫院工作的人壓力來自病人的生死；社工工作的壓力就是來自當事人的選擇、態度和回應。

最後，有求助者真係求助無門去找社工，這是應該和需要的。上文，我是認為如果假定「搵社工就一定搞掂」的話，這個想法絕對會出問題。不要有一個「社工是萬能」的印象。實際上，令好多有心的社工要放下良心和人性，原因就是殘酷的社會制度限制了社工。在工作崗位上堅持良心和人性的社工，就是跟自己過不去，因為一定處處碰壁，而且可能為了幫一個個案，而拖慢了接著九十多個個案的進度。前線工作的只能選擇取捨！在了解「你想申請公屋，你未夠慘喎！」呢句說話表面的同時，究竟明唔明白社工都是不能話事的一群，因為超越了社工的能力範圍。當然，你絕對可以講『呢條社工咁PK，仲要人地有幾慘先可以幫？』，但實際上是社會制度的劃分，因為當事人未乎合資格，權力沒有賦予社工可以為當事人再爭取，這個情況就是有心無力。

除了返工等收工的社工之外，香港社會上真正大部份的社工都是有心無力，大家都被制度框死了。如果因為作者的文章令你對社工有錯誤的理解，甚至令你以為社工就是政府的打手，鋤弱扶強，捍衛強權。咁我的文章只是話你知，社工亦有好多令人心酸無奈的事。大家都是香港人，如果可以幫，點解唔幫？偏偏社工不是義工，亦不是可以無條件的幫助所有人，資源是有限的，你應該明白的。