網民介紹「今期筍工」。


      不少打工仔都想搵筍工，有網民就推介一份「切肉員」筍工，時薪高達330元，招聘告示更表明工作簡單易上手，而且只需5天工作。筍工迅即惹來網民討論，有網民更推算，「切肉員」月薪更可達66,000元。不過都係認真就輸了，有朋友打去問話其實係日薪330元，而且仲已經請咗人喇！

      有網民在facebook群組上載一幅由大埔一間飲食集團貼出的招聘告示照片，形容是「今期筍工」。職位是切肉員，工作時間為上午8時至下午6時，5天工作兼彈性上班時間，公司會提供膳食和專人培訓，時薪330元。有意者可在辦公時間內致電該集團人事部，並附有聯絡電話和地址。

      貼文一出隨即有不少網民留言和轉載分享。有網民計算，時薪330元，即日薪3300元，一個月工作20天月薪達66000元，亦有人質疑「係咪打多咗個『0』咋?」另有人笑問是「切肉定賣肉」。不過，Kelly有朋友打過去問，原來只係手民之誤，日薪330元，仲話請咗人添。