|
心情動態：
來自非公營房屋 |
【壹週刊】大圍污糟餐廳》
後門垃圾站好鬼臭 食物就咁放地下
呢間位於大圍金禧花園地下嘅粉麵茶餐廳，Openrice就讚佢哋「環境整潔，甚受人客歡迎。」唔少人食完之後，都俾Like佢哋，讚佢哋嘅牛腩麵好食、雲吞夠大粒、魚皮Ok、墨魚丸又好味。真係咁掂，睇埋餐廳後門先啦，嘩……………。 有讀者同《壹》仔講，呢間餐廳經常會將食物隨便擺係後門地下。最慘係，餐廳後門原來係一個密封停車場，而且仲有一個垃圾站，衛生情況好惡劣兼臭氣熏天。 上星期，《壹》仔去現場睇過，發現停車場內衛生情況真係好差，由於車場內有一個垃圾站，傳出陣陣惡臭，而且地下好多積水，真係好污糟。《壹》仔又見到，呢間粉麵茶餐廳後門出面，放咗唔少食材，雖然有用筲箕盛載，但個筲箕就咁擺喺地下，好核突啫。而家天氣咁熱，食物好容易變壞，尤其是停車場內溫度高，又多積水，更加容易滋生細菌。 而《壹》仔又見到一名女子正整理放在地下嘅食物，「(這些菜是粉麵檔的？)對，粉麵檔一定有菜的，粉麵檔一定要賣菜的，一碗麵一條菜嘛。你沒吃過？你沒來過這間粉麵檔？下次來試試啦。粉麵檔有菜食，隨你的，叫一碟菜要另計。」 原來，呢間粉麵茶餐廳09年時，食物安全中心抽取佢哋嘅熟牛雜樣本化驗，發現含沙門氏菌，市民進食後有可能出現嘔吐及腹瀉等腸胃炎症狀，中心當時向食肆負責人發出警告信。 其實除咗呢間茶餐廳，商場二樓有一間大家樂，而大家樂嘅貨車，就係喺停車場內落貨，再用手推車將食物推上二樓。《壹》仔睇過，雖然佢哋嘅食物全部有獨立包裝，但放係手推車最低層嘅食物，同地面好接近，會有機會沾上地面污水囉，希望大家樂可以留意下。 希望為了食客的安全保障，有關方面也多加留意吧。 撰文：程志康 攝影：金文 田俊  |
||
|
2004-10
|
|||
有讀者同《壹》仔講，呢間餐廳經常會將食物隨便擺係後門地下。
|
心情動態：
來自非公營房屋 |
食物放後門垃圾站 衛生署都嘈 老闆 : 阿姐貪方便今時今日，食物環境衛生十分重要，但是，仍有餐廳不太重視這些。
「啊，在後面洗菜。對，我們已叫她(職員)不要再在那裡洗菜，沒有洗了，衛生署職員跟我們傾過，沒有洗了。」 《壹》仔搵過呢間大圍茶餐廳嘅老闆傾過，佢承認有將食物放喺後門嘅垃圾站停車場，不過就話只係洗吓菜啫。 老闆話，係店舖其中一名職員，自把自為喺後門洗菜，「是這個阿姐，這個阿姐貪方便，貪方面在那裡洗，(現在在那裡洗？)現在在自己的廚房內洗。只是朝早在後面洗少少菜，已是很久前的事情。(沒有了多久？)很久了。」 不過，由於後門真係太污糟，衛生署都叫佢哋要改善，「(衛生署已講明不能再在那裡洗菜？) 對，我們不會再在那裡洗，當然要停啦。不會再洗了，不會再洗了。」乾淨啲，大家都好啦。 有食客就話，茶餐廳預咗係咁，眼不見為乾淨喎，「如果他們是一百蚊一碗雲吞麵，當然不能接受這種衛生環境。 我相信很多地方的餐廳都是這樣，只是看不看到的分別，幸好我吃了多年也未試過肚痛。」 而同樣經常喺垃圾站停車場落貨嘅大家樂就回覆話，一向重視食物安全及衛生，就有關查詢已即時作出跟進，檢視有關分店的貨物運送程序。 暫時所知有關落貨地點乃商場指定之落貨停車場，因此商戶均在此落貨; 貨物運送途中，均妥為包裹。 又說會與管理公司跟進，研究是否有進一步改善空間。 撰文：王佩 程志康 攝影：田俊 金文
|
||||||||
|
2004-10
|
|||||||||
老闆話，係店舖其中一名職員，自把自為喺後門洗菜。
有食客就話，茶餐廳預咗係咁，眼不見為乾淨。
食客黃小姐表示，如果他們是一百蚊一碗雲吞麵，當然不能接受這種衛生環境。她相信很多地方的餐廳都是這樣。
|
心情動態：
來自怡明邨 |
食過好多次添 @$&*$!#*)I)&%%$()G&R%%^
|
||
|
|
|||
