|
心情動態：
來自非公營房屋 |
兒童理財專家 狠批港媽三大錯：升小三前唔好俾八達通
前法興證券環球股票產品部董事李錦(Edmond)，在銀行界工作逾28年，上年決定辭職，全職推廣兒童及青少年理財教育。早前《壹》仔就Gen的個案向他請教，他指Gen三大錯，要盡快解決！
即收回八達通 Edmond指，小朋友在三、四年級前，都不應該給他八達通，因為他們根本不能應付：「佢需要搭車，你就俾佢用，用完就可以收返，因為小朋友真係用錢嘅話，小三小四都唔遲。」 最忌口硬心軟 對於「冒險樂園」事件，Edmond指口硬心軟固然要改，但Gen亦應該先弄清楚去樂團的目的：「去之前就同佢講，你去冒險樂園係為咗玩定換公仔，如果係兩樣，你可以話唔得；如果係玩，你就同佢講只可以換幾多個代幣；如果只係換公仔，你就講不如去買一個公仔，因為玩就唔知幾時先儲夠票 就唔可以計預算。」 言教不如身教 而「食雪糕」中，Edmond認為Gen的兒子的行為「好多時係父母造成」：「兩父妻傾計時，好似有嘢買錯咗，就可以講其實唔緊要，照用，如果係買咗唔揀口味嘅嘢食，但唔緊要，我都食，唔浪費。」他指耳濡目染下，子女都會跟隨。 Edmond一年來見過了不少家長，了解他們子女的理財問題。他指香港家長都明白培養子女理財的重要性，但往往用錯方法：「有家長小二就要求個女寫支出預算，有咁詳細得咁詳細，講真大人都唔得啦。」他補充由兩、三歲就要開始建立小朋友對金錢的價值觀，之後要學習儲錢，以免日後成為物質的奴隸。 採訪：梁延宇 攝錄：鄭樹清 
|
||
|
2004-10
|
|||
