2016年9月16日 星期五亮黑大機熱炒 先達店主指出價2萬但冇貨:成行都未見過
(14:51)先達廣場外依舊有不少收機檔,亦有不少人問價和放機,先達店G-World Mobile負責人劉志剛(Lo哥)表示,今年的炒風和往年相若,只是有不同顏色和容量,共28款機,市場只集中炒起某些款式。Lo哥直言,「細機已經冇得玩,已經輸咗」,雖仍然收機,但要蝕讓200至300元。至於大機,除亮黑色外,其他32GB只可多賺100至300元,更可能只會原價回收,128GB則可多賺500至1000元
Lo哥指整個早上都沒有收到亮黑色大機或細機,「成行都未見過,有都係天價,天價都未必放」。他指256GB亮黑回收價可達1.6萬至1.8萬元,即是高出原價8288元1倍,但有人出價2萬元想買,都找不到貨給他。Lo哥預料亮黑色的供應量小,炒風應可維持一個月。
「果農」陳先生有兩部32GB玫瑰金iPhone 7 Plus,他預計每部只可多賺數百元,但表示「一年一度湊下熱鬧,旨在參與」。他指過去iPhone 6s開售時都炒機,一部可賺約1000元,「水位」較多,但這次也不會失望,又說內地市場大,不怕會跌穿零售價。
傳聞混亂,信不信由你。