2016-12-04 15:23:00 HKT

70多歲周先生睇本地波多年，憶述當年「南巴大戰」無錢買黃牛票，為看球賽不惜爬山。（何家達攝）

30多歲的李先生認為，大財團多支持本地波有利球壇發展。（何家達攝）

馮小朋友一心撐南華，「南華好似勁啲」。（何家達攝）

球賽開始前，全場為巴西甲組球隊查比高恩斯遇上空難，默哀一分鐘。（佘錦洪攝）

曾叱吒本地球壇的班霸「九龍巴士」，今年冠名九巴元朗登陸港超聯，下午在旺角大球場再戰宿敵南華，再次上演上世紀經典的「南巴大戰」。現場所見，旺角場南北看台入座率達7成，兩邊龍門後方則僅有零星觀眾。不過，有資深球迷指今日與當年的「南巴大戰」是「蚊同牛比」，但仍寄望兩隊踢場好波。有年輕一代則希望大財團多協助宣傳，令更多人關注本地波。

今年70多歲的周先生睇本地波多年，憶述當年「南巴大戰」盛況時繪聲繪影，「嗰時漏夜要排隊，唔係買唔到，有少量黃牛嘅，不過我哋後生冇錢買，爬山都要睇，花墟、大球場都爬過」。他指近期南華增兵，加上元朗有決心，配合宣傳料比平日多千多人入場，「我哋睇波就中立嘅，最緊要落場球員畀心機踢場好波」。

30多歲的李先生捧本地波逾20年，今日入場為南華打氣，睇好高美斯及陳肇琪有「士哥」。他指曾聽聞當年「南巴大戰」盛況，認為今日宣傳夠，加上有名宿吸引老球迷，「但應該同以前冇得比，始終以前啲人冇乜娛樂」。他認為大財團多支持本地波有利球壇發展，「始終足球要金錢，有錢先請到好球員」。

40多歲的馮先生今日帶同7歲兒子入場，感受本地波氣氛。有十年無入場的他指在父親口中聽聞「南巴大戰」，認為今日比想像中多人。馮小朋友則一心撐南華，「南華好似勁啲」。

上世紀50年代九巴屬甲組爭標勁旅，曾在多屆聯賽及盃賽與南華上演精彩對決，1951年聯賽「南巴」冠軍之戰更吸引逾3萬球迷入場，雙方激戰至加時以2比2打和要擇日重賽，最終南華大勝4比1成功衛冕。九巴於1976至77季度第二次降班乙組，並在1981年宣佈退出聯賽，今年才重新於頂級組別聯賽亮相。