|
心情動態：
來自非公營房屋 |
搵工五式 教你傾高啲人工
2016-12-20 12:58:00 HKT  又嚟到聖誕佳節啦！一個毒L，留喺屋企空虛寂寞凍？出街？哪有錢？今年冇錢啫，不如下年積極搵份高人工，一年後過一個報復式燒錢嘅聖誕節！ 財經網站《BUSINESS INSIDER》引述一位專業訓練公司嘅CEO Bryant Galindo講到，一個人要喺事業上取得成功，有一個決定性因素就係傾人工！佢話每位老闆見工時，已經預咗面試者會進行人工談判，以下五式，將可以讓面試者喺未來老闆面前立於不敗之地。 第一，做足research。要了解自己嘅技能喺市場上面值唔值錢，可嘗試上網搜尋有關自己工作技能嘅真實、可靠資訊。最後要問自己一句：我有乜嘢價值同投資回報畀到未來老闆？假如你面對一間startup，對方未必畀到高人工你，假如間公司將會有增長潛力，你就有機會要求對方分公司股份畀你。 第二，為人工set一個可接受最低價錢。做完research後，閣下可能了解自己應有嘅人工嘅範圍，你就要諗吓幾多人工先能夠接受。如果對方開出人工低到你不能接受，又唔保證日後加足畀你，你大可以坦承表達自己想要幾多人工，話埋畀對方聽，自信自己物有所值，對方咁都say no？大概唔使傾落去。 第三，知己知彼，面試官/老闆要起底！你唔係未卜先知，或許唔會知見你嘅人有乜喜好，但至少要知道乜嘢角色嘅人見你。例如見HR，喺人工談判嘅空間較細，但喺爭取其他福利方面就有較大空間，可嘗試透過傾福利去收窄人工差距；如果直接見未來老細，對方唔會鍾意你喺僱員合約裡面雞蛋裡挑骨頭，乾脆爭取高啲人工仲實際。 第四，呢一式係心法，比較空泛，緊記面試傾人工猶如跳舞。正常情況下，面試官/老闆會主導談判，然後你跟住佢beat，所以要你盡量配合佢個beat，令對方滿意，就自然願意畀高啲人工，亦有機會爭取到幾時開始返工都得、工作時段任你揀、更多年假等等打工仔夢寐以求嘅福利。 第五，最後一式，可能同爭取人工無關，係要畀對方知道，邊項因素對你來說最重要。或許你心底裡認為，返工開心先係最重要，又或者有時間陪屋企人對你嚟講係最珍貴，當未來老闆願意開出條件配合你，就更容易搵到自己滿意嘅工作。 |
||
|
|
|||
搵工 
|
心情動態：
來自非公營房屋 |
多謝賜教 |
||
|
|
|||
|
心情動態：
來自安達邨 |
|
||
|
命裡有時終需有，
命裡無時莫強求。
|
|||
|
心情動態：
來自非公營房屋 |
 回應 我是傻的别拉我 |
||
|
|
|||
|
心情動態：
來自安達邨 |
 回應 #5 我是傻的别拉我
|
||
|
命裡有時終需有，
命裡無時莫強求。
|
|||
