陳太:
希望可以係農曆新年果三日可以擺檔搵食，政府可以訂立清晰墟市政策，推動墟市發展以改善基層生活。另外都可以比地擺墟，例如一啲空置校舍，既可善用空間，又可以有穩定地方擺檔。

何生:
有地區勢力令辦墟團體難做，政府應該擔起發牌把關等角色協助申辦墟市。冇人敢為小販們發聲，但佢地係有時代價值的。同時政府話要改善民生，又對檔主趕盡殺絕，自打嘴巴。

阿青:
市民唔係乞衣，想有尊嚴地用自己能力謀生，而墟市正係讓檔主自力更生既空間，希望食環係協助大家擺檔多於搞破壞。如果搞得好，其實都係為香港增添多個特色，讓國際旅客可以多個角度了解香港。

張女士:
深水埗見光墟關注組一直以黎搞墟都辛苦，源於政府冇幫助冇資助，靠關注組成員過五關斬六將去康文署、食環署、地政署等去申請場地。作為檔主好努力靠雙手謀生，唔係想靠政府，只求有地擺墟！

羅冠聰、梁國雄、郭家麒既動議都獲得通過，黎緊局方要研究係年宵市場同行人專用區做熟食墟市既可能性，另外要寬鬆執法。