香港嘅民生問題，喺契丹影響嘅情況下，已經去到匪夷所思嘅級數，有一架 中港車 ，喺崇光百貨銅鑼灣店門口軒尼詩道逆線行車，雖然無炒車，但已經係危險駕駛嘅行為，警察捉咗呢位騎呢司機，依家睇警方有無進一步資料披露。

香港嘅 中港車 分兩種，一種係用契丹藍色車牌，果啲係契丹登記車輛，左軚多，以國際牌駛入香港，果啲車已經係天字第一危險，但由於大家見到果啲車，都會好醒目嘅知道係契丹車，所以會小心呢啲司機。依家出事嘅車，契丹車牌部分係黑色嘅，呢啲車本來應該係香港本地登記，啲司機應該係香港司機，香港司機邊有可能咁危險駕駛至得，根本係荒謬透頂嘅事嚟。一般香港司機唔會防呢啲車，依家都要防範呢啲車，大家話呢。

依家根本已經係濫發 中港牌 ，特別依家唔少公司喺走資嘅情況下，隨時都係俾重首次登記稅嘅情況下，都照喺香港出車，然後用CEPA政策下，契丹司機可以免試攞香港駕駛執照嘅漏洞幫老闆揸車，結果咪搞出呢啲膠司機出嚟，喺崇光門口亂咁舞，無搞到巴士、的士、 中港車 大互炒，銅鑼灣交通亂過亂世佳人，都算係咁㗎喇。

所以，我唔同意依家搞乜嘢港珠澳大橋，依家香港路面已經太多私家車，無空間容納更多膠人膠司機，如果港珠澳大橋通車，我真係諗唔到香港屆時啲交通可以亂到乜程度。甚至我認為，CEPA裡面港中互認車牌協議應該廢除，契丹司機必須喺香港考試至可以攞香港車牌，同樣，香港司機必須通過契丹嘅考試至可以攞契丹車牌，其實考慮係安全問題，契丹同香港，一個用左軚，一個用右軚，兩地路牌系統，道路設計等等，完全無可以相通之處，點解可以容許兩地車牌互認呢？一係契丹自己簽日內瓦公約，好似俄國咁出日內瓦公約嘅牌，跟番國際遊戲規則做，咁樣仲可能好少少。當契丹唔肯簽日內瓦公約，CEPA容許膠司機大量湧港果陣，香港道路危險程度真係非一般，過馬路都要小心啲。崇光門口呢件事，一定唔係最後一單，如果香港政府唔再剎掣嘅話，只要有一單車禍撞死咗人，就一定群情洶湧。 黃世澤

人多車多的銅鑼灣軒尼詩道SOGO巴士站，傍晚離奇出現中港車逆線埋站事件。讀者巿民左先生表示，晚上6時40分途經軒尼詩道近SOGO對開，赫見一輛持中港車牌的黑色七人車逆線停車，當時有3名交通警包圍該車並向司機質問：「你喺邊度開過嚟㗎？ 」對方一度聲稱因不熟路，由東角道跨過行人路而至，但不獲警員取信，其後警員更指司機涉嫌危險駕駛，取走車匙向他作出警告：「唔熟路都唔會咁開車，你好彩無撞死人，唔係你就大鑊。」表明要拖走車輛檢驗，最終左先生離開現場未知最終結果。

左先生批評該名司機駕駛態度有問題，「咁樣(逆線)人哋睇唔到，可能撞死人或者撞到車。」他又指現場行人路人多擠迫，該輛七人車不大可能由東角道跨路而至，估計對方或者沿糖街逆線而行肇禍。

中港車逆線泊SOGO的相片其後在fb各討論區中熱傳，有網民紛紛估計該名司機的離奇行車路線，有網民相信他沿糖街錯誤駕出怡和街，因中間有電車路阻礙u-turn，只好一直逆線而行，直至SOGO打算轉向時終被警員截獲。

警方表示，港島總區交通部警員在軒尼詩道153號對開發現一輛私家車逆線行車，經調查後以涉嫌危險駕駛向司機發出傳票。

網民點睇︰
Why Chan︰香港已融合右上左落了
Sam Kwong︰本港開埠以嚟第一位喺Sogo門口逆線行車，至叻係你！
Man Man︰高人行事果然高深莫測！
Jacko Tang︰呢度都可以掉轉行?香港百幾年嚟都未見過,你好野
Liu Chun Kit︰呢條友堅有型 我寫個服字俾佢
Jerry Chan︰佢行咗幾遠呢個係問題？

中港牌七人車於銅鑼灣SOGO對開逆線行駛，被交通警截停。(讀者左先生攝)

中港牌七人車於銅鑼灣SOGO對開逆線行駛，被交通警截停。(讀者左先生攝)