入行初體驗 無啦啦被打 大火後幫客認屍：味道似叉燒﹗外表活像一個闊太的Kitty，每次見面總是身光頸靚，gel好甲紋好眉，手戴鑽戒。行家多是世襲，她則完全是個外行人，不過卻早注定吃殯儀這口飯。二十二年前，才剛入行學師，第一單「大生意」，是嘉利大廈大火的四十一具屍體，Kitty跟着師傅協助客人認屍，恐怖得連家屬都不敢入去認領遺體，「幾個屍體，燒到黐埋一嚿，要透過首飾、手錶，結婚戒指才分辨得到。」對於當時殮房傳出的味道，依然記憶猶新，「就好像燒味，叉燒。但那些是人，覺得好噁心，難頂。」她覺得好難過，走到後樓梯哭了一場，然後收拾心情，繼續工作。傷心，卻沒有一點懼色，「有人會吃不下東西，我完全唔會。」
師傅早已提醒這位阿太：「呢行好多恩怨情仇，你想清楚先入行。」不久，她在世界殯儀館門口被襲。「客人唔識去，打電話俾我，叫我在門口等他，原來係圈套。」對方只是動手，「我想還手，搞跌咗佢頂帽，見到佢，原來好細個。」出於母性，把賊放走。她自己鋪頭新開張那天，行家贈興，「鋪頭門口有架車，又有縱火痕跡。」原因Kitty也表示無從考究。雖然有報警，但只是無頭公案，「呢行好多人係世襲，無乜文化背景，你讀得書多就是你本事。賣力嘅人，通常唔賣腦。」記者訪問當天，亦隱隱感受到這種氣氛，她的員工從門外走回鋪頭對Kitty說：「有部發財車被人噴紅油。」見慣世面的Kitty說這些算小事一樁：「可能係佢泊咗人哋個車位。」
撰文：梁佩均
攝錄：胡智堅 李育明
