|
心情動態：
來自非公營房屋 |
沙田豐盛苑現鼠患 法團養「貓巡捕」捉鼠
鼠餌搞唔掂要養貓捉鼠？立法會議員蔣麗芸早前就本港鼠患嚴重提出「訓練流浪貓捉老鼠」計劃。沙田豐盛苑近日因老鼠為患，業主立案法團昨透過管業處發通告，向居民稱已養了兩隻「貓巡捕」，負責在屋苑內捕鼠，網上張貼有關通告後引起熱議，有當區居民贊成做法，亦有居民擔心衍生野貓繁殖及棄養問題，質疑成效。 該張沙田豐盛苑管業處通告指鑑於屋苑內有老鼠橫行，業主立案法團決定餵養兩隻貓在屋苑範圍內捕鼠，提醒居民切勿捕捉及嚇唬該兩隻「貓巡捕」。 有關通告發出後引起各界熱議，有網民認為以往街巿及士多亦有養貓捉鼠，相信有一定成效，但有網民認為做法治標不治本，揶揄「遲下鼠患解決咗，到流浪貓問題出現，就養狗趕貓⋯⋯鬥獸棋就係咁出現咗。」 《蘋果》記者下午到沙田豐盛苑，果然見到一隻黑色「貓巡捕」在屋苑內四處「巡邏」，無人看管，鄰近豐盛苑的沙田頭村則見有食環署張貼的放鼠餌通知，提醒巿民注意。 豐盛苑街坊黎太稱看到養貓捉鼠的通告，指屋苑內經常有老鼠出沒，以往更有居民試過坐公園石壆遭老鼠舐手的經歷，其後向區議員及管業處投訴後，清潔公司加強清潔工作後始見成效，但她認為下鼠餌較養貓功效更大。「如果公眾地方養貓，啲貓生到周圍都係貓，會好麻煩。點解唔選擇落藥？咁唔係仲好咩!」 沙田區議員陳若恆表示，由於附近有掘地工程，加上鄰近寮屋區，豐盛苑近月確實受到鼠患困擾，當中B座大堂假天花早前有鼠屍引發惡臭，清潔公司已加強清潔消毒，近日從居民口中得悉業主立案法團養貓捉鼠。由於未知該兩頭貓功成身退後會否被棄養，以及曾否絕育，他目前抱觀望態度，有待法團釐清事件。 【網民點睇】 雷力：一物治一物，正確。 Fung Kwok Ho：只係兩隻貓，就有流浪貓出現？有成效再講啦，大埔墟街巿熟食中心夠多貓啦，老鼠咪又係四圍行！貓有貓玩，老鼠有老鼠玩！ Ka Wai：養埋鷹，負責高空監察。 Chan Pak Cheong：兩名管理處職員。 KH Chui：貓捉老鼠定老鼠捉貓先  豐盛苑有鼠患，屋苑養貓捉老鼠。  網民Jim Lai圖片 |
||
|
|
|||
|
心情動態：
來自蘇屋邨 |
啲貓又多又餓或者得，不過到時可能變成貓患，唔知搵乜嘢嚟捉貓嘞。
|
||
|
|
|||
歡樂香江
幸運星
