老婆聽到，眼淚不停咁流，立即打電話俾我。當時我聽到真係唔敢相信，但始終係事實，不得不接受。醫生提議送佢一程，唔好俾佢咁辛苦，但我拒絕，因為矇豬俾我一種好強烈既生存意志：佢病果排，我地係屋企行黎行去，佢會跟住我地；佢病緊，但都會好準時咁叫我地起身；佢食唔到野，但佢肯飲水保命；佢知佢自己食唔到野，但見我老婆準備佢地既飯時都會行去迎接
；ｄ菌入左神經，係會整痛佢，所以簡唔中會跌到，但，佢無放棄，仲好堅決要坐反起身，好似話俾我地知：我無事既爸爸媽媽，放心啦，你睇，我坐到架^^。
係呢一刻，我同老婆都同時講左一句，無論佢有咩事，我地絕唔會後悔帶反佢反屋企，人地會話我地殘忍，點解佢咁都仲要吊住佢條命，由佢咁辛苦，但我見到上述矇豬既舉動，我地要陪佢到死，係呢段咁短既時間，希望可以有轉機。突然之間，矇豬佢，似乎知道咁，坐到直一直，好清脆咁汪左一聲。喊，真係好想喊果一刻，一隻狗，唔係，一隻ｂｂ狗既生存意志，比起我地依家一ｄ唔愛惜生命既人，佢地真係要向一隻狗學習。醫生再次睇佢時，已經話：佢依家嚴重左，生存機會好微，但依家都要ｋｅｅｐ住食藥，但呢次就要睇下佢過唔過到今晚了！晚上，佢好辛苦，係度鶯鶯聲，不過，佢一跌低，好快就扒反起身，頂住，矇豬你一定要頂住，你要諗反起之前你係點樣頂住，你一定過到呢一關，唔好認輸，我地一家人一齊陪你打呢場杖………………………………..
　呢一晚,時間過得特別慢,但因我要反工,所以老婆就叫我訓先,佢會陪多佢一陣,要睇住佢,幫佢打氣。可能真係太累，我好快就訓左。
　　早上起身，起初我真係唔敢搵佢，怕會變成事實（死亡）。但突然，我身邊聽到一下鼻寒聲，（其實係佢鼻塞抖氣聲），死八矇，仲訓得舒服過我。好開心，佢真係頂到，好叻，好乖，佢仲識得爹我，我出門口反工時，同佢講，叻女，唔使怕，爸爸媽媽會一直支持你，你仲有幾關要過，我地都會陪住你，萬一真係咩咩咩咩，我地絕不後悔，因為你比起其他人，生存意志強千萬倍，努力！
　　在此，本人感謝幫過我地既醫生，朋友。有佢地既專業意見，再加上矇豬既個人意志精神，本人無言感激，另，希望矇豬早日康復。