|
心情動態：
來自非公營房屋 |
昨晚"住屋學堂"請了本土研究社陳劍青
昨晚"住屋學堂"請了本土研究社陳劍青, 同長春社李少文(Peter)黎兩位嘉賓, 同葵涌劏房街坊分享土地政策同環保政策與公屋輪候, 劏房捱貴租的關係。 總結下昨晚嘉賓分享: 劍青反駁左政府"香港地少人多, 唔夠地起公屋, 所以等咁耐"的講法, 佢認為咁係將人為制度唔公平問題, 扭曲做"客觀事實", 咁香港基層點解"愈住愈細, 愈住愈貴"?? 主要係"土地分配唔公平"的問題, 而非"土地短缺, 例如香港有1100多公頃的棕土, 政府有4000幾公頃的閒置地(推算一公頃已夠地起一楝公屋了), 但政府要保住賣地賺錢的收入, 又欺善怕惡, 唔敢得罪既得利益集團, 所以每年只會擠少少地起樓, 而且大部份都係起私樓, 起公屋比例較少。之後就推開發郊野公園出黎做"稻草人", 賴上唔到樓係因為環保團體/保育人士推住唔俾攪郊野公園。將問題轉移。 Peter就話70年代, 港督麥理浩推十年建屋計劃, 同埋成立首批郊野公園, 兩個咁大既政策只係相隔五年推出, 反映依家所謂"公屋VS郊野公園"既矛盾, 根本係依家特區政府刻意人為製造出黎。之後又分享左好多郊野公園邊陲地, 有好多好珍貴既動植物, 而唔係政府所講"好低生態價值"。破壞環境係不可逆轉的, 摌走左個林條河, 係返唔到轉頭, 唔係話換地就可將原有的生態環境複製去第二個地方。而且邊陲地位置偏遠, 政府往跡一向嚴重拖延發展新市鎮的配套。東涌1997年已有好多人搬入去住, 但北大嶼山醫院足足係15年後才落成, 政府話之你東涌居民無急症室用, 要搭直升機啦。如果發展左更偏遠既邊陲地, 政府既配套做成點, 大家心中有數啦!
   |
||
|
2004-10
|
|||
歡樂香江
幸運星
