200萬(未計退休後拎到既MPF)夠唔夠退休同無400萬養唔養到細路一樣, 因人而異
又未至於「老咗住公屋唔攞綜...
nanfung 發表於 2018-02-21 17:27:18 原文
200萬，三人家庭，梗係唔夠退休啦。我分三個情況講：A. 兩老加一個後生；B. 三個都係老人；C. 兩個後生加一個老。
先講A: 雖然有個後生嘅打工，如果個後生嘅人工一般，佢又要儲錢結婚，根本冇太多錢畀老人家。咁兩老真係要靠嗰200萬生活。假設分20年搣，每年得10萬，即每月得8333蚊，仲要預埋20年嘅通漲，加上老人家醫療費貴，唔會夠用。
B: 有個後生都唔夠用，三個都係老人就更加唔夠。
C: 咁可能會好啲，但唔係所有家庭都會係咁。不過兩個後生亦可能意味著需要多一間屋嚟結婚，唔通兩房人同住一間公屋咩？如果嗰間新屋係私樓嚟嘅，咁即係其中一個後生嘅負擔好重，又係變咗無能力養老，而且仲可能要老人家出部份棺材本資助佢買樓。
