lamkwanyee,
可能妳講得有道理，我當年係2002年，足足九年多前，
老實講以只係鋪地「最普通果隻，連拋光磚都未及」，安閘，安窗花同露台欄，
當年材料人工價開四萬幾真係獅子開大口，因為見我一個女人仔同佢傾啫，
其實二幾萬都是合理價，不過沒賺太多啫，
承仔嫌平塊肉唔大可以唔接，但連門柵完全唔鋪露水泥就明顯係佢地責任，
之後又推責唔補救就係無操守啦。
我都只係講出來讓大家參考吓，提醒大家別任人魚肉，
依家九年後樣樣都貴咗咁多，用依家角度睇兩萬幾買料自己造都辛苦啦！
老實講，附合資產審查入住公屋，正常都唔係大富之家，
之前住父母家的都可能儲到點錢，如果一直捱住貴租呢筆裝修費都唔係好輕鬆架，
除咗裝修仲有其他駛費。
總之有新屋住當然開心，不過為免因裝修事而引起煩惱，
大家街坊都要小心計劃，多d分享交流，加油！
