麒麟果$200／8個好抵買！
https://video.appledaily.com.hk/..._adl_v2_clean_w.mp4
新年想向親朋戚友送上一份心意，什餅、糖果禮盒高卡路里又無益，送生果就最實際不過。買靚生果當然去果欄，價錢平又多選擇，花多眼亂拿不定主意，不如聽果欄老闆教路，為大家揀幾款罕見、性價比高的生果。
蜜糖菊花茶、蜜糖雞翼聽得多，士多啤梨也有蜜糖味又聽過未？熊本菊池糖蜜士多啤梨以蜜糖栽種，不但多汁甜度高，吃起來還有蜜糖的味道，送禮夠睇頭！不單止士多啤梨，原來蘋果也可以加蜜糖去種，來自青森縣的糖蜜小蘋果切開有糖芯，味道極甜，甜度可達15度，是眾多日本蘋果之最。想意頭好怎少得吃富貴柿，寓意往後一年大富大貴，日本富貴柿比起其他產地的柿味更濃，口感爽脆，吃到停不了口。
說到抵買，果欄有家士多啤梨賣得比日本的便宜，兩百塊一盒兩Packs，老闆私心推薦奈良縣古都華草莓，肉質紥實，果味香濃；愛知縣紅面珠草莓，口感較腍，香甜多汁。賣得便宜，負責人解釋是香港人跟日本人買貨，最叻講價，因此價錢分分鐘平過在日本買。
另外今年麒麟果產量多，價格比往年平約三成，二百元一箱有八大個，比火龍果更清甜，被稱為燕窩果，有排毒滑腸功效。如果想送耐放的，柿乾近年也很受歡迎，甜度比鮮吃更高，最重要是耐放，吃不完也不用放在雪櫃，室溫存放兩三個月亦可。
