5⃣個常有問題?，一一解答。???
保險公司暫時只可以推出兩種認可產品︰「標準計劃」（Standard Plan）及「靈活計劃」（Flexi Plan）。
1⃣什麼是「標準計劃」？
根據食衞局嘅自願醫保產品範本及單張，「標準計劃」嘅條款細則及保障表都必須符合自願醫保之10項最低要求。
??保證續保至100歲
??不設終身保障限額
??訂下標準保單條款及條件，減少爭議
??保費透明，須提供年齡分級的保費結構
??保險公司須按醫院/醫生提供的醫療支出預算，提供初步賠償估算
??承保住院及訂明的日間治療，例如日間手術費及相關處方藥物費用
??承保投保前已有病症，但可設有等候期及賠償比率
??承保訂明的診斷成像檢測、精神科治療及非手術癌症治療
??除了成像檢測外，不要求投保人分擔費用
??每個賠償項目提供與市場接軌的保障額，如小型手術，最高賠償為$5,000
2⃣什麼是「靈活計劃」？
「靈活計劃」係另一種政府認可嘅自願醫保產品，以「標準計劃」為框架，再新增一啲「標準計劃」基本保障以外嘅「額外保障」及更高保額，但保費當然會比「標準計劃」貴。
3⃣「標準計劃」同「靈活計劃」有咩唔同？
除咗價錢之外，兩種產品最大分別在於「靈活計劃」可提供最低要求以外嘅「額外保障」。
4⃣「靈活計劃」嘅「額外保障」都會受食衞局規管，但可以喺「保障地域範圍」、「終身保障限額」、「醫療提供者的選擇」、「病房級別選擇」及「分擔費用規定」5方面加入條款，限制賠償範圍。
5⃣點計自願醫保扣稅額？
2018-19年度財政預算案公佈，每名受保人每年可用作扣稅的自願醫保保費「扣除」額為$8,000。有關扣稅安排已於2018年10月31日經立法會通過。大家喺2019/20年課稅年度就可以申報保費支出作扣稅之用。
扣稅額嘅估算方式其實十分簡單︰
自願醫保保費 X 稅率 = 扣稅額
如果你嘅保費係$5,000，稅率係2%，可獲扣稅金額就係$100﹔如果你嘅收入達到最高稅率17%，可獲扣稅金額就係$850。
