在街頭違例泊車隨時食「牛肉乾」(交通定額罰款告票)是理所當然，不過如果一口氣收多張，又未免太誇張。近日有網民拍到一架違例停泊街頭的超跑10日內被抄6次牌。不過網民未有寄予同情，反而認為抄得「好抵」。
現場是銅鑼灣禮頓里，據網民Honeyb IP上載的兩張照片可見，一架紅色超跑停在路邊，而另一張則是車頭擋風玻璃水撥攝着6張交通定額罰款告票。
有眼利網民就發現，該架超跑10日內被抄6次牌，不過網民似乎因為超跑身價，認為這些罰款只是濕濕碎，「對車主嚟講，一張牛肉乾根本係毫子...」、「車主話少少散銀唔好煩佢」。亦有人指，這數字算少「 好抵喎！」，更分享說：「當年我擺5日抄咗20張有多」。
網民有話說：
Eric Tsang：車主話平過泊車場，又搶到曝光度，抵晒
林傑：怕咩，大把水
Jo Fung：抄幾張無所謂啦
