親人住200多呎的1~2人公屋單位, 收到綠置居揀樓信, 以為中了獎, 最終揀了柴灣蝶翠苑, 付了5萬幾元訂金, 但...
楊管 發表於 2020-12-13 17:59:59 原文
好想知你兩夫婦約約多歲？如果會有個仔幾常返嚟住，即係都唔細，有60歲嗎？從投資角度睇，買咗總好過無，依個屋苑絕對係交通方便，行去地鐵站約十幾分鍾，坐巴士係富城閣嗰個站上車，即係所有小西灣出嘅巴士都可以搭，嗰度好多條線，去港島九龍都方便！
行去漁灣邨有好多休憩場地，行去柴灣公園都好靚，行去小西灣有靚海旁公園，甚至可以行上龍躍徑行山去大浪灣，藍灣廣場有Donki.
行去小西灣有室內泳池，運動場，圖書館，近蝶翠苑都有柴灣泳池。
如果你過咗疫情後，交幾千元供樓，供完就係自己，咁要放棄，真係要好好考慮。
如果你年青，可以等到下次，當然好，但如果你哋年長，咁就更要從長計議。
就算你留畀個仔，都有用，依家私樓係500萬買百幾呎嘅樓，如果你買私樓，即係要畀多幾百萬，打工仔要儲幾耐至有幾百萬？如果你年紀大住公屋，萬一早走，間公屋當然畀政府，咁你個仔可以從新輪公屋，唔知要等幾多年？仲有申請公屋嘅規定呢？
如果若干年後，你都可以賣咗買過間大啲。
不過點都要你自己諗清楚，都係人生大事嚟架！
本留言最後由 Rose88 於 2021-04-15 22:32:47 編輯
