香港寛頻差差差!!我香港寛頻舊合約未完，我要搬屋咁岩係新屋村樓下個香港寛頻sales就sell我地。拎哂我身份證電話話會幫我查幾時到期。係電話到whatsapp 傳左個公仔圖案比我，話到時搬遷要拉線再聯絡佢。香港寛頻個sales就話舊客無優惠新客先有既，叫我老公簽份新約咪得囉，佢話會同我搞掂份舊約。
我話係咪唔會雙重合約架?佢話得啦我幫你搞掂啦。同樣係用緊香港寛頻我當然唔會質疑佢員工既能力啦，當下我老公就簽左份約。
隔離HGC sales聽完就提醒我話叫我打上佢總部問囉，無一間公司做得到，佢分明呃你。我就同我老公覺得應該唔會既。同樣香港寛頻可能佢真係做到呢?但都因為別人提醒而有左警覺性。就打去香港寛頻問，原來真係做唔到會雙重合約既，即係個sales呃我老公簽約博我地唔記得取消就雙重合約。我地立即取消左個未生效既合約。
打去香港寛頻投訴部就帶人遊花園，叫我提供電話錄音，無錄音佢地唔會做到任何野，證明唔到個員工行為操守有問題。大佬我無啦啦行行下街比人sell我會唔會無時無刻錄住音?我無啦啦3唔識7搞佢咩?佢有我電話就係證據啦?簽約果個係我先生會唔會無啦啦留既係我個電話?明知有我電話你都唔check下我係咪你公司客戶?講唔講得通?佢無check就即係佢失職，有check就即係佢明知我係舊客都叫我老公簽約即係擺明呃人。
個sales重要死口唔認話唔知我係舊客，話以為我係HKT客戶，明明佢就知我係佢地客戶，重話係我老公自己覺得份合約優惠岩就簽，講唔講得通呀大佬?老婆一份老公又交一份?但最好笑既係，咁既員工而家重可以企係到 逍遙法外再呃第二個人? 真係祝大家好運。呢間野差到爆，唔重視客戶 上司包庇員工。投訴無門。唔怪得啲員工咁猖狂周圍呃人 ， 因為成間香港寬頻都係咁既處事作風。??以下係我親身經歷
