回應 #9 Komasan
Koma兄：
假如呢個會嘅結果令你失望，你不妨再去信申訴專員嗰邊，上次係用你嘅名，今次或者用老爸的名義，記得要cc copy俾埋1823、房署。
*我諗到幾個point ，你睇吓有冇用？
**信內先提出X月X日曾經申訴，當時被房署職員極力游説/誤導，為了息事寧人、一時心軟、的確唔係想搞事之下就close file！滿以為會得到有關部門的公平對待，誰知道…
**重點帶出你哥作為戶主，過去咁多年冇盡本分去update佢嘅實際情況，遷出亦沒有知會有關部門，佢唔喺度住當然就冇俾租，所以租金一直都由你哋承擔，你哋多次提醒佢去房署搞清楚手續，此人不予理會！佢冇俾＄養父親，令你們陷入困境。
**門鎖太舊/失靈就要換，本來就係平常事，我喺度住當然係我換，不該被描述係住戶故意/任意而為。
**此人留在單位的舊物，佔據不少位置，搬走之時並無講明/警告過：嗰啲嘢非常珍貴、一定會取回、未經同意絕對唔准掉！
**佢間中蒲頭，完全冇理過嗰堆嘢，所以，我哋感覺唔到嗰堆舊物對此人的重要性。
**因為正常來說如果係珍寶，當事人應該會住喺邊就藏喺邊，此人顯然無咁做，點解呢分鐘先至當寶？
**公屋地方淺窄，我哋定期執屋係日常生活，掉嘅主要係我哋嘅舊嘢，對方嘅嘢？我們反而等咗好耐，直到封晒塵N年後先至順便處理，可惜現在完全被歪曲，變成係針對此人而做。
**強調世伯唔係拾荒老人，家裏冇可能會堆滿雜物！
***感受到當日的會議上，主任冇俾機會和時間你去申辯，只聽戶主單方面的說詞，咁樣係欠缺公允。
***承認自己當日抵唔住頸、罵個人渣，好後悔沈唔住氣同失態。
***其實任何人被屈、有冤無路訴，都會流露出來嘅自然反應。
***最後誠心希望申訴專員公署，審視這個案，還你們一個公道，因為這個機構係小市民唯一嘅後盾。
前言不對後語
