回應 #6 cnine2016
睇你真係唔識，又唔明。公屋係香港人應有福利，唔係我地欠左政府，合資格香港人有間公屋住係好正常，唔洗跪低多謝政府的。就算我地係租客，間屋有問題，有甩漏既地方，趁住剛入住既時候唔修補返，一住落就冇得搞，到可能十幾廿年後就會成為嚴重問題。例如舊樓既石屎剥落好多時都係因為當初小疏忽而引致。而執漏，私樓同公屋都係一樣，有問題就要整返好是正常，難度你以為私樓D石屎會靚Ｄ嗎？呢樣執漏申請，係房署提供既服務，並唔係租戶既意思，既然你有呢個服務，租戶亦都樂意向業主反映，咁業主點解整得咁求其呢？呢個先係問題所在。
