回應 #9 maywang1226
你講得啱，根本仲有十幾戶未入伙，同時入伙都未夠半年，做咩咁急要小業主表決揀法團？？？我懷疑，（我估架咋！）房柱哋想甩身呀！
上次水質事件，好多居民發信投訴，黃泥水味嘅食水，令到佢哋急急搵人修理，仲有居民映到相，工人喺水管喺搵到好多垃圾，居民打開自己啲水龍頭，有唔少綠色粒狀嘅石仔。要一段時間先至水質變好！
可能有人嫌煩，想快啲甩身！
可能因為水質，同水管發聲問題，早前經常有人投訴，所以佢哋都幾常停水修理，到依家都經常有！
仲有居民喺what app group 度講，有陌生人經常流連喺走廊，又唔似居民，咁對大家居民安全，都受影響！
當初蝶翠苑係提前咗入伙，可以有啲嘢急趕咗，無做得咁完善。
依家仲有問題要跟進，咁快就想甩身？你話啱唔啱先？
