住過漁灣邨幾十年(但不是漁安樓),可以提供少少資料:
1) 漁灣邨搭巴士方便過地鐵,地鐵大概要行10分鐘,長者要更長時間;巴士站只行兩三分鐘(計埋落樓),直接去西九龍方向只有118,平常全程到總站海達邨附近要1個鐘(走東區走廊).
2) 漁灣邨是長者邨,新移民偏少;社區配套極度完善,基本日常需要10分鐘行程內已經可以解決.
3) 漁安樓只有7層,已裝有電梯;小弟所知多數單位三百幾尺容易間兩房,有細騎樓.
4) 個人感覺單位座向分4類:
(A)向西北望內園,比較清靜,但要唔介意有雀仔叫聲
(B)向東南對馬路,會嘈,因為前面柴灣道係主要幹道
(C)向西北望街市,同街市隔一條馬路仔,日間會有貨車上落貨,街市二樓有熟食中心有時會有油煙
(D)向東南對酒樓,此類單位比例少,會有柴灣道車聲同樓下酒樓會有衛生滋擾
希望幫到你朋友同其他人~