香港地最難嘅事可以話係買樓上車，但係香港樓價高企，所以好多人都盼望可以成功抽到居屋，話咁快居屋就快到申請嘅時間。香港房屋委員會轄下商業樓宇小組委員會委員招國偉，呢排成日喺Facebook上分享2023年居屋申請消息。

唔講唔知，原來招國偉依家放緊假，但佢放假期間亦不忘分享申請居屋消息，佢早喺今個月20號嘅時候，就已經提醒大家今年居屋可以喺7月31日到8月14日期間申請。

佢甚至旅行途中都仲諗緊居屋！事關佢日前喺南韓坐緊地鐵嘅時候，一邊感嘆記唔到地鐵站嘅名，一邊提醒大家尋日可以下載居屋2023嘅表格，認真敬業，唔單止咁，老婆仲分享佢喺南韓樂天世界都做緊香港媒體嘅訪問添！睇嚟又係講居屋嘞！